Vilay an gaha sa saiya kan saiyang manga amigo. Nasa elementarya (Grade 1) si Vilay kan mangyari an insidenteng ini. Siya sarong aki na amay kinahilengan nin talento. Bako siyang para-girong alagad aktibo siya sa klase. Pigmidbib siya kan saiyang maestra na madunong sa haros s gabos na ‘subjects’ lalo na sa English.
Kaidto, an tataramon na ‘may I go out’ sarong tataramon sa English na parating ginagamit kun napapaluwas sa klase an sarong aki tanganing magduman sa ‘toilet’ na an toyo mag-ihi o magbawas.
Sarong aldaw, an maestra nakamalisya na kadakol kan naman kan nasabing ‘may I go out’ lalo na sa ‘subject’ na ‘arithmetic.An iba haloy na magbuelta.
Si Vilay nakamate nin pag-ihi. Nagtindog siya asin sinabi sa maestra an ‘may I go out’. Nadangod siya kan maestra alagad dae siya pinaluwas. An huna kan maestra, arog siya kan iba na gustong magluwas asin makalibre sa klase.
Ihing-ihi na si Vilay. Dae na niya mapupugulan pa. Mababasa an saiyang sulot na ‘medya peston’ Nagku-a siya nin lampasong suro sa sarayan nin suro, sig-gid asin samod. Nag-ihi siya sa suro. Suminobra pa an ihi kaya nabasa an salog. Naheleng siya kan maestra asin inaggutan.
Nagsimbag si Vilay. Sinabi niyang nagpa-aram siya tanganing magduman sa ‘toilet’ asin mag-ihi mayo nin naginibo an maestro. Inako niya na siya napasala.
No comments:
Post a Comment